2024 ОНЫ АРАВДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

2024 ОНЫ АРАВДУГААР САРЫН ЭХНИЙ  АРАВ

ХОНОГИЙН ЦАГ АГААРЫН НӨХЦЛИЙН ТОЙМ

Агаарын температур(Air temperature): Өнгөрөгч арав хоногт  Их нууруудын хотгорын сумдаар 7.2-9.8 градус, Алтайн өвөр говийн сумдын нутгаар 8.6-9.8 градус дулаан, Өндөр уулын сумдын нутгаар 4.1-6.8 градус дулаан байлаа.  Агаарт хамгийн их температур нийт нутгаар өдөртөө 15-22  градус дулаан, хамгийн бага температур шөнөдөө 8 градус хүйтнээс 1 градус дулаан байлаа. Агаарт +30 градусыг давж халсан өдөр ажиглагдаагүй.

Хөрсний температур(Soil temperature): Нийт нутгаар хөрсний дундаж температур 6-14 градус дулаан байв. Хөрсний хамгийн их температур  өдөртөө нийт нутгаар 29-39 градус дулаан, хамгийн бага температур шөнөдөө 1-10 градус хүйтэн байсан. Хөрсөн дээр +40 градусаас дээш гарч халсан өдөр ажиглагдаагүй.

 Хур тунадас(Precipitаtion): Энэ арав хоногт ихэнх сумдын нутгаар нийт 49.1 мм хур тунадас орсон. Хамгийн их тунадас Дарви суманд /10 мм/ орсон бол Ховд суманд 9.6 мм, Чандмань суманд 9.2 мм, Жаргалант суманд 6.2 мм, Эрдэнэбүрэн суманд 6.0 мм, Мянгад суманд 3.0 мм, Зэрэг суманд 2.6 мм, Дуут суманд 1.6 мм, Манхан, Мөст сумдад 0.6, 0.3 мм тунадас тус тус оржээ.  Энэ сарын 4-ний өдөр Ховд, Дуут, Чандмань сумдад 0-2 см зузаан цас оржээ. Харин Дөргөн, Мөнххайрхан болон Алтайн өвөр говийн сумдад хур тунадас ороогүй.

 Салхи(Wind): Энэ 10 хоногт салхи шуурга багатай тогтуун байлаа. Салхины их хурд Дуут, Эрдэнэбүрэн, Булган сумдад секундэд 18 метр, Зэрэг, Чандмань, Мянгад, Мөнххайрхан, Мөст, Цэцэг сумдын нутгаар 15-16 м/с хүрч хүчтэй шороон шуурга шуурсан. Бусад сумдын нутгаар салхи секундэд 8-14 метр хүрч зөөлөн явган шуургатай байжээ.

ХАА-н үйлдвэрлэлд явагдаж байгаа ажил:  Нийт  сумдад мал оторлох, хужир шүү, сааль сүү бэлтгэх, малд тарилга туулга хийх зэрэг  ажил нийт нутгаар үргэлжилж байгаа бол ихэнх сумдад бог мал хээлтүүлэх ажил эхэлсэн. Газар тариалангийн үйлдвэрлэлд хүнсний бүх төрлийн ногоог борлуулах зэрэг  явагдаж байна. Тус ажил үйлчилгээ явуулахад  цаг агаарын байдал  таатай нөлөөлсөн.

 Цаг агаарын нөхцлийн онцлог:

• Энэ 10 хоногт 49.1 мм бороо зарим сумдаар орсон.
• Нийт нутгаар энэ 10 хоногт салхи шуурга багатай цаг агаар тогтуун дулаахан байлаа.  
• Ургамал хатаж хагдарч өвлийн тайван байдалд шилжсэн.

     Тойм мэдээ бичсэн ХААЦУС-ын ахлах техникч Ж.Жаргалзаяа  

 2024 оны 10 дугаар сарын 14-нд